ਮੈਲਬਰਨ: ਡੇਟਿੰਗ ਐਪਸ ’ਤੇ ਜਾਅਲੀ ਪ੍ਰੋਫਾਈਲ ਬਣਾਉਣ ਲਈ ਸਾਈਬਰ ਅਪਰਾਧੀਆਂ ਵੱਲੋਂ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਦੀ ਵਰਤੋਂ ਵੱਧ ਰਹੀ ਹੈ। ਇਹ AI ਬੋਟਸ ਯਥਾਰਥਵਾਦੀ ਟੈਕਸਟ ਗੱਲਬਾਤ ਕਰਨ ਅਤੇ ਬਿਲਕੁਲ ਅਸਲ ਲੱਗਣ ਵਾਲੀਆਂ ਤਸਵੀਰਾਂ ਅਤੇ ਆਡੀਓ ਬਣਾਉਣ ਲਈ ਪ੍ਰੋਗਰਾਮ ਕੀਤੇ ਗਏ ਹਨ। ਇਹ AI dating scam ਘਪਲੇ, ਜਿਸ ਨੂੰ ‘LoveGPT’ ਕਿਹਾ ਜਾਂਦਾ ਹੈ, ਵਿੱਚ ਬੋਟ ਸ਼ਾਮਲ ਹੁੰਦੇ ਹਨ ਜੋ ਹੌਲੀ-ਹੌਲੀ ਡੇਟਿੰਗ ਐਪ ਪ੍ਰਯੋਗਕਰਤਾ ਨਾਲ ਇੱਕ ਸਬੰਧ ਬਣਾ ਲੈਂਦੇ ਹਨ, ਅੰਤ ਵਿੱਚ ਉਨ੍ਹਾਂ ਨੂੰ ਪੈਸੇ ਟ੍ਰਾਂਸਫਰ ਕਰਨ ਲਈ ਮਨਾ ਲੈਂਦੇ ਹਨ। ਇਹ AI ਬੋਟਸ ChatGPT ਅਤੇ Adobe Firefly ਵਰਗੇ ਜਨਰੇਟਿਵ AI ਟੂਲਸ ਦੀ ਵਰਤੋਂ ਕਰ ਕੇ ਬਣਾਏ ਗਏ ਹਨ। Adobe Firefly ਦੀ ਵਰਤੋਂ ਇਸ ਕਹਾਣੀ ਲਈ ਲੋਕਾਂ ਦੇ ਚਿੱਤਰ ਬਣਾਉਣ ਲਈ ਕੀਤੀ ਜਾਂਦੀ ਹੈ।
ਬੋਟਸ ਨੂੰ ਕੁਝ ਸ਼ਖਸੀਅਤਾਂ ਦੀ ਨਕਲ ਕਰਨ ਲਈ ਵੀ ਸਿਖਲਾਈ ਦਿੱਤੀ ਜਾਂਦੀ ਹੈ ਅਤੇ ਇਹ ਇੱਕੋ ਸਮੇਂ ਕਈ ਘਪਲੇ ਚਲਾਉਣ ਦੇ ਯੋਗ ਹੁੰਦੇ ਹਨ। ਨਤੀਜੇ ਵਜੋਂ, ਉਹ ਸੰਭਾਵੀ ਤੌਰ ’ਤੇ ਇੱਕ ਵਾਰ ਵਿੱਚ ਸੈਂਕੜੇ ਹਜ਼ਾਰਾਂ ਲੋਕਾਂ ਨੂੰ ਧੋਖਾ ਦੇ ਸਕਦੇ ਹਨ। ਦੁਨੀਆ ਭਰ ਦੀਆਂ ਸਰਕਾਰਾਂ AI ਦੀ ਵਰਤੋਂ ਨੂੰ ਨਿਯਮਤ ਕਰਨ ਲਈ ਕਾਨੂੰਨ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ, ਯੂਰਪੀਅਨ ਯੂਨੀਅਨ ਦੁਨੀਆ ਦੇ ਪਹਿਲੇ ‘ਵਿਆਪਕ AI ਕਾਨੂੰਨ’ ਦੇ ਨਾਲ ਮਾਰਗਦਰਸ਼ਨ ਕਰ ਰਹੀ ਹੈ।
ਆਸਟ੍ਰੇਲੀਆਈ ਕੰਪੀਟੀਸ਼ਨ ਕੰਪੀਟੀਸ਼ਨ ਕਮਿਸ਼ਨ (ਏ.ਸੀ.ਸੀ.ਸੀ.) ਅਨੁਸਾਰ 2022 ’ਚ AI ਜ਼ਰੀਏ ਆਸਟ੍ਰੇਲੀਅਨ ਲੋਕਾਂ ਨਾਲ ਰਿਕਾਰਡ 3.1 ਅਰਬ ਡਾਲਰ ਦੀ ਠੱਗੀ ਵੱਜ ਚੁੱਕੀ ਹੈ। ਇਸ ਤੋਂ ਬਚਣ ਦਾ ਇੱਕੋ-ਇੱਕ ਤਰੀਕਾ ਵੱਧ ਤੋਂ ਵੱਧ ਜਾਗਰੂਕਤਾ ਫੈਲਾਉਣਾ ਹੈ। ਘਪਲੇ ਤੋਂ ਬਚਣ ਲਈ ਇਹ ਪਛਾਣ ਕਰਨ ਦੇ ਤਰੀਕੇ ਵੀ ਹਨ ਕਿ ਕੀ ਤੁਸੀਂ AI ਬੋਟ ਨਾਲ ਗੱਲ ਕਰ ਰਹੇ ਹੋ ਜਾਂ ਅਸਲ ਇਨਸਾਨ ਨਾਲ। ਉਦਾਹਰਨ ਲਈ, ਉਹ ਅਕਸਰ ਫੜੇ ਜਾਣ ਤੋਂ ਬਚਣ ਲਈ ਗੱਲਬਾਤ ਨੂੰ ਡੇਟਿੰਗ ਐਪ ਤੋਂ ਬਾਹਰ ਕਰ ਦਿੰਦੇ ਹਨ। ਉਹ ਆਮ ਤੌਰ ’ਤੇ ਵੀਡਿਓ ਕਾਲਾਂ ਤੋਂ ਇਨਕਾਰ ਕਰਦੇ ਹਨ ਕਿਉਂਕਿ AI ਵੱਲੋਂ ਤਿਆਰ ਕੀਤੇ ਵੀਡੀਓ ਓਨੇ ਅਸਲ ਨਹੀਂ ਦਿਸਦੇ ਜਿੰਨੇ ਕਿ ਤਸਵੀਰਾਂ, ਟੈਕਸਟ ਜਾਂ ਆਡੀਓ। ਇਸ ਤੋਂ ਇਲਾਵਾ ਘਪਲੇਬਾਜ਼ ਪੈਸੇ ਠੱਗਣ ਲਈ ਕਿਸੇ ਐਮਰਜੈਂਸੀ ਦਾ ਬਹਾਨਾ ਬਣਾਉਂਦੇ ਹਨ, ਜਿਵੇਂ ਉਨ੍ਹਾਂ ਦਾ ਕੋਈ ਰਿਸ਼ਤੇਦਾਰ ਬਹੁਤ ਬਿਮਾਰ ਹੈ।
Related Posts:
