ਮੈਲਬਰਨ (ਤਰਨਦੀਪ ਬਿਲਾਸਪੁਰ) : ਆਸਟ੍ਰੇਲੀਆ ਦੇ ਰਿਜ਼ਰਵ ਬੈਂਕ RBA ਵੱਲੋਂ ਅਧਿਕਾਰਕ ਕੈਸ਼ ਰੇਟ (OCR) ਨੂੰ 3.60% ’ਤੇ ਜਾਰੀ ਰੱਖਣ ਦੇ ਫੈਸਲੇ ਨੇ Real estate market ਬਾਰੇ ਨਵੀਂ ਚਰਚਾ ਸ਼ੁਰੂ ਕਰ ਦਿੱਤੀ ਹੈ। ਦਰਾਂ ਦੇ ਸਥਿਰ ਰਹਿਣ ਨਾਲ ਕਰਜ਼ਾ ਲੈਣ ਵਾਲਿਆਂ ਨੂੰ ਕੁਝ ਰਾਹਤ ਤਾਂ ਮਿਲੀ ਹੈ, ਪਰ ਮਾਹਰਾਂ ਦਾ ਕਹਿਣਾ ਹੈ ਕਿ ਆਉਂਦੇ ਮਹੀਨਿਆਂ ’ਚ ਇਹ ਮਾਰਕੀਟ ਅਜੇ ਵੀ ਗੰਭੀਰ ਚੁਣੌਤੀਆਂ ਦਾ ਸਾਹਮਣਾ ਕਰੇਗੀ।
ਮੰਗ (demand) ਦੇ ਪੱਖੋਂ, ਵਿਆਜ ਦਰਾਂ ਨਾ ਵਧਣ ਕਾਰਨ ਮੌਜੂਦਾ ਘਰ ਮਾਲਕਾਂ ਦੇ ਹਫ਼ਤਾਵਾਰ/ਮਾਸਿਕ ਭੁਗਤਾਨ ਸਥਿਰ ਰਹਿਣਗੇ। ਇਸ ਨਾਲ ਕੁਝ ਪਹਿਲੀ ਵਾਰ ਘਰ ਖਰੀਦਣ ਵਾਲੇ ਜਾਂ ਨਿਵੇਸ਼ਕ ਮੁੜ Real estate market ਵੱਲ ਰੁਝਾਨ ਦਿਖਾ ਸਕਦੇ ਹਨ। ਪਰ ਬੈਂਕਾਂ ਵੱਲੋਂ ਅਜੇ ਵੀ 5% ਤੋਂ ਵੱਧ ਵਿਆਜ ਦਰਾਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ, ਜਿਸ ਕਾਰਨ ਕਰਜ਼ਾ ਲੈਣ ਵਾਲਿਆਂ ਦੀ borrowing capacity ਘੱਟ ਰਹਿੰਦੀ ਹੈ। ਨਾਲ ਹੀ ਮਹਿੰਗਾਈ ਅਤੇ ਘਰੇਲੂ ਖਰਚੇ ਵਧਣ ਕਾਰਨ ਲੋਕ ਖਰੀਦ ਲਈ ਥੋੜ੍ਹੇ ਸਾਵਧਾਨ ਹਨ।
ਸਪਲਾਈ ਪੱਖੋਂ, ਘਰਾਂ ਦੀ ਘਾਟ Real estate market ਨੂੰ ਤੰਗ ਕਰ ਰਹੀ ਹੈ। ਨਵੇਂ ਘਰਾਂ ਲਈ ਮਨਜ਼ੂਰੀਆਂ ਪਿਛਲੇ ਦਹਾਕੇ ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਹਨ, ਜਿਸ ਨਾਲ ਸਰਕਾਰ ਦਾ 12 ਲੱਖ ਨਵੇਂ ਘਰਾਂ ਦਾ ਟੀਚਾ ਹੋਰ ਪਿੱਛੇ ਧੱਕਿਆ ਗਿਆ ਹੈ। ਨਿਰਮਾਣ ਖ਼ਰਚ, ਮਜ਼ਦੂਰਾਂ ਦੀ ਕਮੀ ਅਤੇ ਯੋਜਨਾਵਾਂ ਦੀ ਹੌਲੀ ਮਨਜ਼ੂਰੀ ਇਸ ਸੰਕਟ ਦੇ ਵੱਡੇ ਕਾਰਨ ਹਨ।
ਵਿਸ਼ਲੇਸ਼ਕਾਂ ਦੇ ਅਨੁਸਾਰ, ਆਉਣ ਵਾਲੇ ਮਹੀਨਿਆਂ ’ਚ Real estate market ਦੋ ਤਰੀਕੇ ਨਾਲ ਕੰਮ ਕਰੇਗੀ। ਸ਼ਹਿਰਾਂ ਦੇ ਕੇਂਦਰੀ ਇਲਾਕਿਆਂ ਅਤੇ ਆਵਾਜਾਈ ਸਹੂਲਤਾਂ ਦੇ ਨੇੜੇ ਸਥਿਤ ਘਰਾਂ ਦੀਆਂ ਕੀਮਤਾਂ ਮਜ਼ਬੂਤ ਰਹਿ ਸਕਦੀਆਂ ਹਨ, ਜਦਕਿ ਬਾਹਰੀ ਇਲਾਕਿਆਂ ਅਤੇ ਰੀਜਨਲ ਬਾਜ਼ਾਰਾਂ ਵਿੱਚ ਵਿਕਾਸ ਠੰਡੀ ਰਫ਼ਤਾਰ ਫੜ ਸਕਦਾ ਹੈ। ਇਸ ਦੇ ਨਾਲ ਹੀ ਕਿਰਾਏ ਦੀਆਂ ਕੀਮਤਾਂ ਵਧਦੀਆਂ ਰਹਿਣਗੀਆਂ ਕਿਉਂਕਿ ਮੰਗ ਉੱਚੀ ਹੈ ਅਤੇ ਘਰਾਂ ਦੀ ਸਪਲਾਈ ਘੱਟ ਹੈ।
ਅਗਲੇ ਛੇ ਮਹੀਨਿਆਂ ਵਿੱਚ ਮੁੱਖ ਸ਼ਹਿਰਾਂ ਜਿਵੇਂ ਕਿ ਸਿਡਨੀ ਅਤੇ ਮੈਲਬਰਨ ’ਚ ਘਰਾਂ ਦੀਆਂ ਕੀਮਤਾਂ ਕੁਝ ਹੱਦ ਤੱਕ ਸਥਿਰ ਰਹਿਣ ਦੀ ਉਮੀਦ ਹੈ, ਪਰ ਜੇਕਰ ਸਰਕਾਰ ਵੱਲੋਂ ਵਾਧੂ ਕਦਮ ਨਾ ਚੁੱਕੇ ਗਏ ਤਾਂ ਘਰਾਂ ਦੀ ਪਹੁੰਚ ਯੋਗਤਾ ਦਾ ਸੰਕਟ ਹੋਰ ਗਹਿਰਾ ਤੇ ਵਿਆਪਕ ਹੋਵੇਗਾ।
Related Posts:
