ਮੈਲਬਰਨ : ਨਿਊ ਸਾਊਥ ਵੇਲਜ਼ (NSW) ਅਤੇ ਸਾਊਥ ਆਸਟ੍ਰੇਲੀਆ ਨੇ ਆਸਟ੍ਰੇਲੀਆ ਦੇ ਨਵੇਂ ਲਾਂਚ ਕੀਤੇ ਗਏ ਨੈਸ਼ਨਲ ਇਨੋਵੇਸ਼ਨ ਵੀਜ਼ਾ ਲਈ ਆਪਣੇ ਨੋਮੀਨੇਸ਼ਨ ਮਾਪਦੰਡ ਜਾਰੀ ਕੀਤੇ ਹਨ। ਇਹ ਪ੍ਰੋਗਰਾਮ ਸਿਰਫ ਸੱਦਾ ਪ੍ਰਾਪਤ ਲੋਕਾਂ ਲਈ ਹੈ ਅਤੇ ਇਸ ਦਾ ਉਦੇਸ਼ ਇਨੋਵੇਸ਼ਨ, ਅਕਾਦਮਿਕ, ਇਨਵੈਸਟਮੈਂਟ, ਕਲਾ ਅਤੇ ਖੇਡਾਂ ਵਿੱਚ ਵਿਸ਼ਵ ਪੱਧਰ ‘ਤੇ ਮਾਨਤਾ ਪ੍ਰਾਪਤ ਪ੍ਰਾਪਤੀਆਂ ਵਾਲੇ ਵਿਅਕਤੀਆਂ ਨੂੰ ਆਕਰਸ਼ਿਤ ਕਰਨਾ ਹੈ।
ਨੈਸ਼ਨਲ ਇਨੋਵੇਸ਼ਨ ਵੀਜ਼ਾ ਨੂੰ ਉੱਚ ਸਕਿੱਲਡ ਵਿਅਕਤੀਆਂ ਲਈ ਇੱਕ ਪ੍ਰਮੁੱਖ ਰਸਤੇ ਵਜੋਂ ਸਥਾਪਤ ਕੀਤਾ ਗਿਆ ਹੈ ਜੋ ਆਸਟ੍ਰੇਲੀਆ ਦੇ ਤਰਜੀਹੀ ਖੇਤਰਾਂ ਅਤੇ ਆਰਥਿਕ ਵਿਕਾਸ ਵਿੱਚ ਯੋਗਦਾਨ ਪਾ ਸਕਦੇ ਹਨ। ਦੋਵੇਂ ਸਟੇਟ ਵੱਖਰੇ ਰਸਤਿਆਂ ਤਹਿਤ ਉਮੀਦਵਾਰਾਂ ਤੋਂ ਨੋਮੀਨੇਸ਼ਨ ਪ੍ਰਾਪਤ ਕਰਨਗੇ।
NSW ਵਿੱਚ, ਪੰਜ ਨੋਮੀਨੇਸ਼ਨ ਰਸਤੇ ਖੁੱਲ੍ਹੇ ਹਨ। ਇਨ੍ਹਾਂ ਵਿੱਚ ਸ਼ਾਮਲ ਹਨ:
- ਅਕੈਡਮਿਕ ਅਤੇ ਰਿਸਰਚਰਚ – ਉਮੀਦਵਾਰ ਸਟੇਟ ਦੇ ਰਣਨੀਤਕ ਖੇਤਰਾਂ ਨਾਲ ਜੁੜੇ ਉੱਚ ਪ੍ਰਭਾਵ ਵਾਲੀ ਖੋਜ ਦਾ ਸੰਚਾਲਨ ਕਰਦੇ ਹੋਣੇ ਚਾਹੀਦੇ ਹਨ।
- ਐਂਟਰਪ੍ਰੀਨਿਉਰ – ਐਪਲੀਕੈਂਟਸ ਕੋਲ ਪ੍ਰਮੁੱਖ ਇਨੋਵੇਸ਼ਨ-ਕੇਂਦਰਿਤ ਉੱਦਮਾਂ ਵਿੱਚ ਇੱਕ ਸਾਬਤ ਟਰੈਕ ਰਿਕਾਰਡ ਹੋਣਾ ਚਾਹੀਦਾ ਹੈ।
- ਇਨੋਵੇਟਿਵ ਇਨਵੈਸਟਰ – ਉਨ੍ਹਾਂ ਲਈ ਖੁੱਲ੍ਹਾ ਹੈ ਜਿਨ੍ਹਾਂ ਨੇ ਮਹੱਤਵਪੂਰਣ ਕੈਪੀਟਲ ਯੋਗਦਾਨ ਪਾਇਆ ਹੈ ਅਤੇ ਕਾਰੋਬਾਰ ਦੇ ਵਿਸਥਾਰ ਦਾ ਸਮਰਥਨ ਕੀਤਾ ਹੈ।
- ਸਪੋਰਟਸ ਪ੍ਰੋਫੈਸ਼ਨਲ – ਇਹ ਐਥਲੀਟਾਂ, ਕੋਚਾਂ ਅਤੇ ਮਾਹਰਾਂ ਲਈ ਹੈ ਜਿਨ੍ਹਾਂ ਨੂੰ ਉਨ੍ਹਾਂ ਦੀ ਖੇਡ ਵਿੱਚ ਸਿਖਰਲੇ ਪੱਧਰ ਦੀ ਮਾਨਤਾ ਹੈ।
- ਰਚਨਾਤਮਕ – ਰਚਨਾਤਮਕ ਖੇਤਰਾਂ ਵਿੱਚ ਰਾਸ਼ਟਰੀ ਜਾਂ ਅੰਤਰਰਾਸ਼ਟਰੀ ਪ੍ਰਸ਼ੰਸਾ ਵਾਲੇ ਕਲਾਕਾਰਾਂ ਲਈ ਤਿਆਰ ਕੀਤਾ ਗਿਆ ਹੈ।
ਸਾਊਥ ਆਸਟ੍ਰੇਲੀਆ ਨੇ ਵੀ ਵੱਖਰੇ ਨਾਮਜ਼ਦਗੀ ਸਟ੍ਰੀਮਾਂ ਦੀ ਪੇਸ਼ਕਸ਼ ਕੀਤੀ ਹੈ:
- ਗਲੋਬਲ ਰੀਸਰਚਰ ਅਤੇ ਥੌਟ ਲੀਡਰ – ਪ੍ਰਕਾਸ਼ਨਾਂ, ਪੇਟੈਂਟਾਂ, ਜਾਂ ਪ੍ਰਮੁੱਖ ਬੋਲਣ ਵਾਲੀਆਂ ਭੂਮਿਕਾਵਾਂ ਦੇ ਰਿਕਾਰਡ ਵਾਲੇ ਅਕਾਦਮਿਕ ਯੋਗ ਹਨ।
- ਐਂਟਰਪ੍ਰੀਨਿਉਰ – ਇਹ ਸਟ੍ਰੀਮ ਉਨ੍ਹਾਂ ਵਿਅਕਤੀਆਂ ‘ਤੇ ਕੇਂਦਰਤ ਹੈ ਜੋ ਉਤਪਾਦਾਂ ਦਾ ਵਪਾਰੀਕਰਨ ਕਰਨ ਜਾਂ ਮਾਪਣਯੋਗ ਪ੍ਰਭਾਵ ਵਾਲੇ ਕਾਰੋਬਾਰਾਂ ਨੂੰ ਵਧਾਉਣ ਦੇ ਯੋਗ ਹਨ।
- ਇਨੋਵੇਟਿਵ ਇਨਵੈਸਟਰ – ਨਵੀਨਤਾਕਾਰੀ ਉੱਦਮਾਂ ਦਾ ਸਮਰਥਨ ਕਰਨ ਜਾਂ ਵਧਾਉਣ ਦੇ ਤਜਰਬੇ ਵਾਲੇ ਉਮੀਦਵਾਰਾਂ ਲਈ ਖੁੱਲ੍ਹਾ।
- ਸਿਰਜਣਾਤਮਕ ਪ੍ਰਤਿਭਾ – ਰਚਨਾਤਮਕ ਉਦਯੋਗ ਵਿੱਚ ਵਿਸ਼ਵਵਿਆਪੀ ਮਾਨਤਾ ਵਾਲੇ ਕਲਾਕਾਰਾਂ ਜਾਂ ਕ੍ਰਿਏਟਰਸ ਲਈ।
- ਹੋਰ ਵਿਸ਼ਵ ਪੱਧਰ ‘ਤੇ ਸਕਿੱਲਡ ਵਿਅਕਤੀ – ਇਹ ਲਚਕਦਾਰ ਰਸਤਾ ਉਨ੍ਹਾਂ ਐਪਲੀਕੈਂਟਸ ਲਈ ਹੈ ਜਿਨ੍ਹਾਂ ਦੀਆਂ ਅਸਾਧਾਰਣ ਪ੍ਰਾਪਤੀਆਂ ਉਪਰੋਕਤ ਸ਼੍ਰੇਣੀਆਂ ਵਿੱਚ ਨਹੀਂ ਹਨ ਪਰ ਯੋਗਤਾ ਦੇ ਅਧਾਰ ‘ਤੇ ਨਾਮਜ਼ਦਗੀ ਦੇ ਯੋਗ ਮੰਨਿਆ ਜਾਂਦਾ ਹੈ।
Related Posts:
