ਮੈਲਬਰਨ : 2032 ਦੀਆਂ ਓਲੰਪਿਕ ਖੇਡਾਂ ਕੁਈਨਜ਼ਲੈਂਡ ਦੀ ਰਾਜਧਾਨੀ ਬ੍ਰਿਸਬੇਨ ’ਚ ਹੋਣ ਜਾ ਰਹੀਆਂ ਹਨ ਜਿਸ ਕਾਰਨ ਓਲੰਪਿਕ ਇਨਫ਼ਰਾਸਟਰੱਕਚਰ ’ਤੇ ਅਰਬਾਂ ਡਾਲਰ ਖਰਚ ਕੀਤੇ ਜਾ ਰਹੇ ਹਨ। ਇਸ ਬਾਰੇ ਪ੍ਰੀਮੀਅਰ David Crisafulli ਨੇ ਕਲ ਖਾਕਾ ਵੀ ਪੇਸ਼ ਕੀਤਾ ਸੀ।

ਇਨਫ਼ਰਾਸਟਰੱਕਚਰ ਨੂੰ ਵਿਕਸਤ ਕੀਤੇ ਜਾਣ ਕਾਰਨ ਬ੍ਰਿਸਬੇਨ ਦੇ ਸਬਅਰਬਾਂ ਵਿੱਚ ਵੀ ਘਰਾਂ ਦੀਆਂ ਕੀਮਤਾਂ ਵਿੱਚ ਵੱਡਾ ਵਾਧਾ ਹੋਣ ਦੀ ਉਮੀਦ ਹੈ, ਜੋ ਸੰਭਾਵਤ ਤੌਰ ’ਤੇ 2032 ਤੱਕ ਦੁੱਗਣੀ ਹੋ ਸਕਦੀ ਹੈ। ਓਲੰਪਿਕ ਬੁਨਿਆਦੀ ਢਾਂਚੇ ਦੇ ਨਿਵੇਸ਼ ਨਾਲ ਪ੍ਰਾਪਰਟੀ ਦੀਆਂ ਕੀਮਤਾਂ ਵਧਣ ਦੀ ਉਮੀਦ ਹੈ, ਸਲਾਹਕਾਰ ਫਰਮ Urbis ਦੇ ਡਾਇਰੈਕਟਰ Paul Riga ਨੇ ਨੋਟ ਕੀਤਾ ਕਿ ਪ੍ਰਾਪਰਟੀ ਦੇ ਮੁੱਲਾਂ ਵਿੱਚ ਲੰਬੇ ਸਮੇਂ ਦੇ ਵਾਧੇ ਨੂੰ ਖੇਡਾਂ ਲਈ ਕੀਤੇ ਗਏ ਸਥਾਈ ਬੁਨਿਆਦੀ ਢਾਂਚੇ ਦੇ ਸੁਧਾਰਾਂ ਨਾਲ ਜੋੜਿਆ ਜਾ ਸਕਦਾ ਹੈ।

ਵਿਸ਼ਲੇਸ਼ਕਾਂ ਦਾ ਅਨੁਮਾਨ ਹੈ ਕਿ Herston, Kelvin Grove, Spring Hill, Bowen Hills, Fortitude Valley, Woolloongabba, East Brisbane, ਅਤੇ Kangaroo Point ਵਰਗੇ ਖੇਤਰਾਂ ਵਿੱਚ ਅਗਲੇ 7-10 ਸਾਲਾਂ ਵਿੱਚ ਮਜ਼ਬੂਤ ਵਿਕਾਸ ਹੋਵੇਗਾ।

ਇਹ ਵੀ ਪੜ੍ਹੋ : 2032 ਬ੍ਰਿਸਬੇਨ ਓਲੰਪਿਕ ਲਈ ਸਟੇਡੀਅਮਾਂ ਦਾ ਖਾਕਾ ਤਿਆਰ, ਜਾਣੋ ਕੀ ਬਣੇਗਾ ਨਵਾਂ ਅਤੇ ਕਿਸ ਥਾਂ ਨੂੰ ਢਾਹਿਆ ਜਾਵੇਗਾ – Sea7 Australia