ਮੈਲਬਰਨ : ਸਾਊਥ ਆਸਟ੍ਰੇਲੀਆ ਦੀ ਰਾਜਨੀਤੀ ਵਿੱਚ ਚੁੱਪ-ਚੁਪੀਤੇ ਨਵਾਂ ਪੈਂਤੜਾ ਖੇਡਿਆ ਜਾ ਰਿਹਾ ਸੀ। SA Liberal Party ਨੇ ਇੱਕ ਮਹੱਤਵਪੂਰਨ ਸੀਟ ’ਤੇ ਆਪਣੀਆਂ ਚੋਣੀ ਤਰਜੀਹਾਂ (preferences) One Nation ਪਾਰਟੀ ਨੂੰ ਦੇਣ ਦੀ ਰਣਨੀਤੀ ਦਾ ਹੁਣ ਬਚਾਅ ਕੀਤਾ ਹੈ।
ਲਿਬਰਲ ਨੇਤਾਵਾਂ ਦਾ ਕਹਿਣਾ ਹੈ ਕਿ ਇਹ ਕਦਮ One Nation ਦੀ ਨੀਤੀਆਂ ਦੀ ਹਮਾਇਤ ਨਹੀਂ, ਸਗੋਂ ਸਿਰਫ਼ Labor ਨੂੰ ਹਰਾਉਣ ਲਈ ਚੋਣ ਗਣਿਤ ਦਾ ਹਿੱਸਾ ਹੈ। ਪਰ ਵਿਰੋਧੀ ਪੱਖ ਅਤੇ ਸਿਆਸੀ ਵਿਸ਼ਲੇਸ਼ਕ ਇਸ ਨੂੰ ਆਸਟ੍ਰੇਲੀਆ ਦੀ ਰਾਜਨੀਤੀ ਵਿੱਚ ਰਾਈਟ-ਵਿੰਗ ਧੜਿਆਂ ਨਾਲ ਨਜ਼ਦੀਕੀ ਦਾ ਸੰਕੇਤ ਦੱਸ ਰਹੇ ਹਨ।
ਇਸ ਫੈਸਲੇ ਨੇ ਸਾਊਥ ਆਸਟ੍ਰੇਲੀਆ ਦੀ ਚੋਣ ਮੁਹਿੰਮ ਨੂੰ ਭਖਾ ਦਿੱਤਾ ਹੈ। ਆਲੋਚਕਾਂ ਦਾ ਕਹਿਣਾ ਹੈ ਕਿ ਲਿਬਰਲ ਪਾਰਟੀ ਵੋਟਾਂ ਦੀ ਜੰਗ ਜਿੱਤਣ ਲਈ ਵਿਵਾਦਿਤ ਪਾਰਟੀਆਂ ਨਾਲ ਵੀ ਹੱਥ ਮਿਲਾਉਣ ਨੂੰ ਤਿਆਰ ਦਿਖ ਰਹੀ ਹੈ, ਜਦਕਿ ਸਮਰਥਕ ਇਸ ਨੂੰ ਚੋਣ ਰਣਨੀਤੀ ਦਾ ਆਮ ਹਿੱਸਾ ਦੱਸ ਰਹੇ ਹਨ।
ਸਿਆਸੀ ਮਾਹਿਰਾਂ ਮੁਤਾਬਕ, ਇਹ ਕਦਮ ਆਉਣ ਵਾਲੀ ਚੋਣ ਵਿੱਚ Labor ਅਤੇ Liberal ਵਿਚਕਾਰ ਟੱਕਰ ਨੂੰ ਹੋਰ ਸਖ਼ਤ ਕਰ ਸਕਦਾ ਹੈ ਅਤੇ ਛੋਟੀਆਂ ਪਾਰਟੀਆਂ ਦੀ ਭੂਮਿਕਾ ਵੀ ਹੋਰ ਮਹੱਤਵਪੂਰਨ ਬਣ ਸਕਦੀ ਹੈ। ਇਹ ਵਿਵਾਦ ਦੱਸਦਾ ਹੈ ਕਿ ਆਸਟ੍ਰੇਲੀਆ ਦੀ ਰਾਜਨੀਤੀ ਵਿੱਚ preferences ਦੀ ਰਣਨੀਤੀ ਕਈ ਵਾਰ ਚੋਣ ਦਾ ਪਾਸਾ ਹੀ ਪਲਟ ਸਕਦੀ ਹੈ।
