ਮੈਲਬਰਨ : ਪੰਜਾਬੀ ਕਲਾਊਡ ਟੀਮ
-ਆਸਟਰੇਲੀਆ ਅਗਲੇ ਮਾਰਚ ਵਿੱਚ ਮੈਲਬੌਰਨ ਵਿੱਚ 50 ਸਾਲਾਂ ਦੇ ਸਬੰਧਾਂ ਦੀ ਯਾਦ ਵਿੱਚ ਇੱਕ ਵਿਸ਼ੇਸ਼ ਸੰਮੇਲਨ ਲਈ ਦੱਖਣੀ ਪੂਰਬੀ ਏਸ਼ੀਆ ਦੇ ਆਸੀਆਨ ਸਮੂਹ (ASEAN Summit – Association Of Southeast Asian Nations) ਦੇ ਨੇਤਾਵਾਂ ਦੀ ਮੇਜ਼ਬਾਨੀ ਕਰੇਗਾ। ਇਹ ਐਲਾਨ ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ (Prime Minister Anthony Albanese) ਨੇ ਬੁੱਧਵਾਰ ਨੂੰ ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਵਿੱਚ ਖਿੱਤੇ ਲਈ ਨਵੀਂ ਨਿਵੇਸ਼ ਰਣਨੀਤੀ ਬਾਰੇ ਖੁਲਾਸਾ ਕਰਦਿਆਂ ਕੀਤਾ।
ਅਲਬਨੀਜ ਨੇ ਜਕਾਰਤਾ ਵਿੱਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸਨੇ ਬਲਾਕ ਦੇ ਸਾਰੇ ਨੇਤਾਵਾਂ ਨੂੰ 4 ਮਾਰਚ ਤੋਂ 6 ਮਾਰਚ ਤੱਕ ਚੱਲਣ ਵਾਲੇ “ਮਹੱਤਵਪੂਰਨ ਸਮਾਗਮ” ਲਈ ਸੱਦਾ ਪੱਤਰ ਲਿਖਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਸੰਮੇਲਨ ਡਿਪਲੋਮੈਟਿਲ ਦੁਵੱਲੀ ਮੀਟਿੰਗਾਂ ਅਤੇ ਵਪਾਰਕ ਮੰਚਾਂ ਦਾ ਵੀ ਮੌਕਾ ਹੋਵੇਗਾ।
ਅਲਬਨੀਜ ਨੇ ਦੱਖਣੀ-ਪੂਰਬੀ ਏਸ਼ੀਆਈ ਰਾਸ਼ਟਰਾਂ ਦੀ ਐਸੋਸੀਏਸ਼ਨ (ਏਸੀਆਨ) ਸੰਮੇਲਨ ਲਈ ਜਕਾਰਤਾ ਦੀ ਯਾਤਰਾ ਅਜਿਹੇ ਸਮੇਂ ਕੀਤੀ ਹੈ ਜਦੋਂ ਆਸਟ੍ਰੇਲੀਆ ਚੀਨ ਲਈ ਆਰਥਿਕ ਅਤੇ ਕੂਟਨੀਤਕ ਬਦਲ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਪੂਰੇ ਏਸ਼ੀਆ ਵਿੱਚ ਸਬੰਧਾਂ ਨੂੰ ਮਜ਼ਬੂਤ ਕਰ ਰਿਹਾ ਹੈ। ਅਲਬਾਨੀਜ਼ ਨੇ ਸਿਖਰ ਸੰਮੇਲਨ ਨੂੰ ਦਿੱਤੇ ਭਾਸ਼ਣ ਵਿੱਚ ਕਿਹਾ ਕਿ ਆਸੀਆਨ ਆਸਟ੍ਰੇਲੀਆ ਦੇ ਭਵਿੱਖ ਲਈ ਮਹੱਤਵਪੂਰਨ ਸੀ।
