ਮੈਲਬਰਨ : ਐਸਟੋਨੀਆਈ ਵਿਗਿਆਨੀਆਂ ਦੇ ਇੱਕ ਨਵੇਂ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਮਾਪਿਆਂ ਦਾ ਸਕ੍ਰੀਨ ਟਾਈਮ (ਮੋਬਾਈਲ ਫ਼ੋਨ, ਟੀ.ਵੀ. ਜਾਂ ਕੰਪਿਊਟਰ ਵੇਖਣ ’ਤੇ ਬਿਤਾਇਆ ਸਮਾਂ) ਉਨ੍ਹਾਂ ਦੇ ਬੱਚਿਆਂ ਦੀ ਭਾਸ਼ਾ ਦੇ ਹੁਨਰ ਨੂੰ ਨਕਾਰਾਤਮਕ ਤੌਰ ’ਤੇ ਪ੍ਰਭਾਵਿਤ ਕਰ ਸਕਦਾ ਹੈ, ਭਾਵੇਂ ਬੱਚੇ ਖੁਦ ਸਕ੍ਰੀਨ ਨਹੀਂ ਦੇਖ ਰਹੇ ਹੋਣ। 421 ਛੋਟੇ ਬੱਚਿਆਂ ਅਤੇ ਪ੍ਰੀਸਕੂਲ ’ਚ ਜਾਣ ਵਾਲਿਆਂ ’ਤੇ ਕੀਤੇ ਅਧਿਐਨ ਵਿੱਚ ਪਾਇਆ ਗਿਆ ਕਿ:
- ਵੀਕਐਂਡ ਦੌਰਾਨ ਸਕ੍ਰੀਨ ’ਤੇ 4 ਘੰਟੇ ਤੋਂ ਵੱਧ ਸਮਾਂ ਬਿਤਾਉਣ ਵਾਲੇ ਮਾਪਿਆਂ ਦੇ ਬੱਚਿਆਂ ਦੀ ਭਾਸ਼ਾ ਦੀ ਮੁਹਾਰਤ ਮਾੜੀ ਸੀ।
- ਜਿਨ੍ਹਾਂ ਬੱਚਿਆਂ ਨੇ ਘੱਟ ਸਕ੍ਰੀਨ ਟਾਈਮ ਦੇਖਿਆ, ਉਨ੍ਹਾਂ ਨੇ ਵਿਆਕਰਣ ਅਤੇ ਸ਼ਬਦਾਵਲੀ ਵਿੱਚ ਵਧੇਰੇ ਅੰਕ ਪ੍ਰਾਪਤ ਕੀਤੇ।
- ਸਕ੍ਰੀਨ ਦੀ ਵਰਤੋਂ ਦੇ ਕਿਸੇ ਵੀ ਰੂਪ ਦਾ ਭਾਸ਼ਾ ਦੇ ਹੁਨਰਾਂ ’ਤੇ ਸਕਾਰਾਤਮਕ ਪ੍ਰਭਾਵ ਨਹੀਂ ਪਿਆ, ਜਿਸ ਵਿੱਚ ਇੱਕ ਪਰਿਵਾਰ ਵਜੋਂ ਇਕੱਠੇ ਸਕ੍ਰੀਨ ਦੇਖਣਾ ਵੀ ਸ਼ਾਮਲ ਹੈ।
- ਵੀਡੀਓ ਗੇਮਾਂ ਦਾ ਭਾਸ਼ਾ ਦੇ ਹੁਨਰਾਂ ’ਤੇ ਸਭ ਤੋਂ ਵੱਡਾ ਨਕਾਰਾਤਮਕ ਪ੍ਰਭਾਵ ਪਿਆ।
- ਮਾਪਿਆਂ ਦਾ ਸਕ੍ਰੀਨ ਟਾਈਮ ਭਾਸ਼ਾ ਦੇ ਵਿਕਾਸ ਲਈ ਜ਼ਰੂਰੀ ਫੇਸ-ਟੂ-ਫੇਸ ਗੱਲਬਾਤ ਦੇ ਮੌਕਿਆਂ ਨੂੰ ਘਟਾਉਂਦਾ ਹੈ।
